Radio Inspire

How To Learn Sign Language

10 Things Body Language Says About You in Hindi | दुसरो की मन की बात ऐसे जाने


Insaan ki body language, yaani ki uski “deh bhaasha” uske baare mein bohat si aisi baatein bol jaati hain jinko ki woh insaan kabhi bol nahi sakta Aur agar apko saamne wale ki body language ko samjhna aa gaya toh apko pata hoga koi apko sach bol raha hai ya jhoot bata raha hai dosti karna chaah raha hai ya peecha chura raha hai pasand nahi karta, ya dil ka haal chupa raha hai So, doston aj main apko bataunga 10 aisi body language ke tips jinko jaan ne ke baad, aap doosron ke mind ko read kar paaoge Aur Iss video ko dekhne ke baad, aap doosron ki feelings doosron ke behaviour, doosron ke nature doosron ke mann mei kya chal raha hai wo humesha jaan paaoge Aao shuru karte hain pehle point se Sabse pehle discuss karte hain Eyes- yaani ki aankhein Bohat koshish ki apni bhaavnaaon ko chupane ki par kya pata tha aankhein hi sab raaz khol deti hain! Doston, Doosron ki aankhon ki putliyaan palkein, eye contact ya eye balls humein bata deti hain ki unke mann mei kya chal raha hai Tabhi toh kehte hain “Aankhein dil ka aaina hoti hain” Toh, ayiye jaante hain kaise hum doosron ki aankhon se ye samajh sakte hain Pupil, yaani ki aankhon ki putliyaan bhi saamne wale ki mann ki baat keh jaati hain Agar toh aapse baat karte waqt unki aankhon ki putliyaan phaili hui si hain, toh iska matlab hai, ki woh aapse attracted hain Aapko pasand karte hain Aapka saath chaahte hain Lekin har baar aisa ho, zaruri nahi hai Bohat baar aas paas ki light ki wajah se jab light, roshni, zyada hoti hai, Toh woh aankhon ko chubhti hain Uski wajah se bhi putliyaan phail jaati hain Toh, thoda sambhal kar! Aisa na ho ki zyada light ke chakkar mein aapki dosti kharaab ho jaye! Doston, ek insaan ke eye balls bhi itna kuch keh jaate hain jitna ki woh insaan khud bhi naa keh sake! Jab aap kisi se baat kar rahe ho, Aur uske eyeballs left ki side, Upar ki taraf hon, Toh samajh jaayein ki woh kisi baat ko yaad karne ki koshish kar rahe hain Apne brain, apni memory par zor daal rahe hain Aur wahi agar unke eyeballs right side mein upar ki taraf hon, Toh samajh lein ki woh kalpana kar rahe hain Wo soch rahe hain, wo kuch imagine kar rahe hain Wo kuch create kar rahe hain Ho sakta hai, jhoot bana rahe hain Jo cheez exist nahi kar rahi, usko banane ki koshish kar rahe hain Jhoot ko pakda ja sakta hai Eye contact ki baat karein toh jab koi apki aankhon mei dekhte hue Aapse baatein kar raha hai, toh iska matlab ye hai ki woh apki baaton mein, Apko sunne mei interested hai Aapse baatein karne mein interested hai Haan, agar koi bohat zyada der tak Aapko dekhe hi jaa raha hai, jisko ki hum normal language mei “ghoorna” kehte hain Agar koi aisa kar raha hai toh iska matlab hai ki woh aapse pareshaan hai, woh aapse gussa hai woh aapse irritated hai Aur agar koi apki baatein sunte- sunte aapse nazrein nahi mila raha, toh iska matlab hai, ki woh yaa toh uncomfortable hai, Yaa aapki baaton mei interested nahi hai Toh aise mein khud se hi samjhdaari dikhaate hue chup ho jaayein Yaa phir topic badlein Kissi aise topic ki baat karein jis mein woh comfortable ho, woh interested ho And doston, sirf aankhein hi nahi, balki palkein bhi saamne waale ki mann ki baat ko ujaagar kar deti hain Agar toh kissi ki palkein normally jhapak rahi hon, Tab toh theek hai Lekin agar palkein bohat tezi se, lagataar jhapak rahi hain, Toh aap samajh sakte ho ki saamne wala theek nahi hai Unko koi stress hai Lekin agar koi apni palkein bilkul kam jhapka raha hai Ye jaan boojh kar koshish kar raha hai ki uski aankhein zyaada na jhapkein toh iska matlab hai, woh koshish kar raha hai Aapse apni feelings ko, emotions ko chhupaane ki Aap notice karenge ki ye jo chess players hote hain na, woh jab game chal raha hota hai, toh apni palkein kam se kam jhapkaate hain taaki saamne wala jo player hai, woh unki aankhon ko padh kar, unke mann mei chal rahi baaton ko samajh naa paye Second point- Lips Doosre se baat karte hue, Uski hothon ki taraf dekh kar Aap samajh sakte ho ki uske mann mei kya chal raha hai Agar toh aapse baat karte waqt saamne wale ne apne honth andar ki taraf tightly band kiye hue hain Toh aap samajh sakte hain ki woh aapki kahi baat se ittefaq nahi rakhte Unhe aapki baat sahi nahi lag rahi, woh aapse agree nahi kar rahe Aur agar koi baar-baar apne lips ko bite kar raha hai toh aap samajh sakte hain ki woh iss waqt bohat hi pareshaan hai kisi baat se stressed hain ya unhei koi chinta sata rahi hai Ek gaana yaad aa gaya Chhupe honth tere… pareshaan mann mera… Agar koi baar- baar apne munh par haath rakh raha ho, apne honth apne haathon se chhupa raha hai, toh iska matlab hai woh apne emotions chhupana chahta hai Woh nahi chaahte ki aap unki bhaavnaaon ko padh lein, unke dil ka haal jaan lein Ab baat karte hain Congress… I mean, haathon ki Third point- hands Bohat baar log baat karte hain apne haathon se Aapko aise signals de jaate hain ki aap unke baare mein jaan sako Toh ayiye jaante hain , hand movements Haathon ki movements Kya signals deti hain Agar toh saamne wale insaan ne baat karte waqt apni hathon ki muthhi bohat tight band kar rakhi hai, toh iska matlab hai ki abhi wo bohat gussa hai ya pareshaan hai aur apne gusse ko ya pareshaani pe qaaboo paane ki koshish kar rahe hain Aur agar saamne wala baat karte waqt apne hathon ko fold kar leta hai toh iska matlab wo defensive mode mein hai yaabi ki khud ko bachaaye rakhna chahte hain wo khud se hi simat kar reh jana chahte hai In short, folded hands ka matlab woh aapse bohat zyada khulna nahi chahte aapse bohat zyada agree nahi karna chahte Wo apne aap mei reserved rehna chahte hain defensive rehna chahte hain aur agar koi apse baat karne waqt apni ungliyaan baar baar table par baja raha ho, toh iska matlab hai ki woh kisi baat se bohat frustrated hain dukhi hain ya phir woh apki baat se bohat bore ho rahe hain Aur agar koi apne dono hath peeche rakh kar aapse baat kar raha hai toh iska matlab ye hai ki woh aapse baatein karne mei bore feel ho rahe hain ya phir chinta mein hain ya gusse mein hain Haan lekin agar koi student apni teacher se kuch baat karta hai aur woh haath peeche ki taraf karta hai Toh woh respect hai woh bore nahi ho raha aur gussa nahi ho raha Taangein chalne ke kaam aati hain naachne ke kaaam aati hain kissi ko maarne ke kaam aati hain par inki bhaasha samajh lein na, toh ye bohat kaam aati hain Fourth point- Legs Ek insaan ke baithne par uske legs, uske paanv kis taraf hain usse bhi uske baaremein bohat kuch pata chalta hai kisi party mein kisi family function mein kisi event mein ya social gathering mein agar toh kisi ke paanv V shape banate hain jis mein ki unka ankle andar ki taraf ho toh iska matlab hai ki woh insaan logon ko apni taraf kheenchna chaahta hai woh chaahta hai ki zyada se zyada log uske qareeb aayein usse judein Lekin wahi agar kisi insaan ke paanv seedhe hain, toh iska matlab woh satisfied hai usko kisi ke saath judne mein ya alag hone mein koi khaas fark nahi pad raha usko importance ya ttention nahi chahiye Aur agar A ban raha ho yaani ke ankles ke beech thumbs ke comparision mei zyada distance ho Toh iska matlab ki woh insaan kaafi introvert hai aur reserved nature ka hai woh nahi chahta ki log usse milein ya judein Ye under confident log hain Jin mein confidence kam hota hai, unki pehchaan hai Baat karte waqt agar saamne wala apne paanv open karke baitha hai, toh iska matlab hai woh dominating nature ka hai Usko aoni chalaana pasand hai woh chaahta hai cheezein uske hisaab se chalein woh kissi bhi situation mein in charge banna chaahta hai Aise agar koi apni ek taang doosri taang ke upar rakh kar baitha hai, lekin inke dono paanv neeche ki taraf hain toh iska matlab hai ki woh insaan thoda closed nature ka hai sharmaata hai, introvert hai, shy hai Lekin agar ek taang doosri taang ke upar hai, aur 90 degree ka angle ban raha hai, toh ye confidence ki pehchaan hai woh insaan confident hai Ye dooriyaan… Fifth point- closeness Koi insaan aapse baat karte waqt aapse kitni door khada hai usse decide hota hai ki woh apke liye kya feel karta hai aapko kya ehmiyat deta hai Agar koi 6-18 inch ki doori par khada ho kar aapse baatein kar raha hai toh iska matlab hai ki unka aapse bohat hi close relation hai Ya woh aapke saath bohat hi comfortable hain Aur ye wahi distance hai jo gale milne waqt kaan mei kuch kehne waqt ya doosre ko touch karne waqt hota hai Aur agar ye distance dedh feet se chaar feet ke beech ka ho Iska matlab ye hoga ki woh aapse baatein karne mein comfortable toh hain par uss waqt mein intimacy wali feelings nahi hain so aisa distance generally family members aur close friends mein hota hai matlab ki woh dost toh hain, par… dildaar nahin hain Aur agar koi aapse 4 feet se 12 feet ki doori par hai, aur apse baat kar raha hai ya apko dekh kar muskura raha hai, toh ye samajh lein ki woh apse sirf jaan pehchaan tak hi seemit rehna chaahte hain woh aapse close friendship ya close relation expect nahi kar rahe woh aapke saath abhi bohat zyada cofortable nahi hain Lekin doosron ko comfortable karna aur iss distance ko kam karna, ye bhi ek art hai Lekin iss distance ke chakkar mein Timmy ki tarah Aisa karna mat shuru kar dena Ek muskuraahat insaan ke raaz khol deti hai Jo kahi na jaaye woh baat bol deti hai Sixth point- Smile Koi aapki baaton ko sunkar sach mei khush hai, ya sirf dikhaawa kar raha hai ye bhi jaan na bohat aasaan hai Kissi ko apki baat sun kar sach mei hasi aa rahi hai toh unki aankhon ke paas crinkles padenge Yaani ki aankhon ki end ki taraf skin mei thodi silvatein si aayengi Iska matlab saaf hai ki uss insaan ko aapki baatein sunkar Sach mei accha laga woh sahi maayne mein khush hain Agar toh unki smile thodi feeki si hai, Aisi hai jismein unki aankhon ke aas paas kuch crinkles nahi pad rahe toh iska matlab hai, unhein aapki baaton mein koi bohat zyada dilchaspi bhi nahi hai Toh woh thode khush hain lekin thoda dikhaawa bhi kar rahe ki unko aapki baat acchi lagi Aur apko pata hai ki aap kisi ki smile ki duration, yaani ki kitni der unhone smile kari, Usse bhi pata laga sakte hain ki unhein aapki baatein sunkar accha laga ya nahi Research kehti hai ki agar koi aapki baat sunne ke baad Agar unke chehre par 6-7 second se zyada smile rehti hai, toh iska matlab ye hai ki woh aapki baat se khush hain, santusht hain, satisfied hain Aur agar iss muskuraahat ki duration 3-6 seconds tak ki hai, toh iska matlab unhein kuch khaas khushi nahi hui Again , woh thoda khush hone ka dikhaawa kar rahe hain Lekin agar muskuraahat isse bhi kam hai yaani ki mushkil se 1-2 seconds hain toh iska matlab ki unke mann mein kahin udaasi ya phir aapki baat se zara bhi khush nahi hain ya.. apse gussa hain Aur ye 1-2 seconds ki smile kai baar sach mein badi khatarnaak hoti hai Seventh point- Chest Ek insaan ke chest bhi uske mood ko, uske jhukaav ko uski inclination ko darshaata hai Agar kisi function mein, shadi mein, birthday mein kisi se baat karte waqt kisi insaan ki chest baahar ki taraf hai, Woh baahar ki taraf pint kar kar khada hai, toh iska matlab hai ki woh uss meeting mei uss jagah mein rehne mei interested nahi hai ya phir jo baat kahi jaa rahi hai, usse ittefaaq nahi rakhta Kahin na kahin woh disagree kar raha hai ya toh uss event se, ya phir uss insaan se Agar teen ya usse zyada log khade rehkar baat kar rahe hain toh saamne wala jiski taraf chest karke khada hai doosron ki baat par bhi dhyaan de raha hai lekin, chest agar kisi ek insaan ki taraf hai, toh iska matlab woh insaan uski taraf attracted hai, ya uss insaan ko zyada sunna chaahta hai usko zyada sunana chahta hai Baat karte waqt agar chest aage ki taraf ho toh iska matlab uss insaan ko aap par vishwaas hai woh aapke liye open hai Eighth point- Posture Ek insaan apne khade hone par, apne chalne ke andaaz se apne baare mein bohat kuch keh jaata hai Bas padhna aana chahiye Jo log confident hote hain, aatm vishwaas se bhare hue hote hain, Jinhein khud par aur khud ki Qaabiliyat par bharosa hota hai Wo jabc chalte hain toh unke kandhe bilkul straight hote hain Woh apne shoulders humesha broad rakhte hue chalte hain JAb woh chalte hain toh unki chaal mein bhi ek alag josh, ek energy dikhti hai jisko hum “confident posture” kehte hain Jin logon ke shoulders chalne waqt neeche ki taraf jhuke hote hain woh generally under confident hote hain yaani ke unmein aatm vishwaas kam hota hai unhein khud par bharosa nahi hota aur unki energy, unka josh, kam hota hai Haan agar kisi ki koi beemari hai ya umr ho chuki hai Aur woh uss wajah se jhuka hai toh apna analysis mat kijiye Ninth- Copying gesture Jab aap kisi se baat kar rahe ho na toh notice karo ki uski body ki movements yaani ki uske gestures kis tarah ke hain Agar saamne wala insaan apke gestures ko copy karta hai, Aapke jaise hand movements hain, aapke jaisi leg movements hain, yahan tak ki chakne aur bolne ke tareeke bhi same hote ja rahe hain toh iska matlab hai ki woh aapse attracted hai Uska mind apko pasand kar raha hai, apko follow kar raha hai, Lekin agar opposite hota jaa raha hai, aapke movements se abhi koi opposite chal rahe hain toh woh aapki taraf khaas attracted nahi hain Dost ho sakte hain lekin uss tarah se aapko pasand nahi karte Tenth and last- Playing with hair Baalon ke saath khelna Ayiye dekhte hain jab haath baalon ke saath hote hain toh iska kya matlab hota hai Agar toh koi baar baar apne baalon se khel raha hai, ya khel rahi hai aur apne baalon ko apne chehre se door le kar ja rahi hai, baar baar toh iska matlab hai ki woh open minded hai khule vichaaron se hai ya phir ye bhi ho sakta hai ki woh aapse flirt karne ki koshish kar rahe hain Lekin agar kisi ne ek haath se baalon ko pakad kar rakha hai aur doosre haathon se unhei sehla rahe hain ya suljha rahe hain, toh iska matlab ki woh bohat hi zyada nervous ho rahe hain Wo kisi tareeke se situation se door jaana chahte hain thoda ghabra rahe hain Bhaashayein toh abhi ijaad hui hain Shareer humesha bolta aaya hai Na chhup sakein dil ki baatein saare raaz ye kholta aaya hai Main jaanta hun ki ye 10 points apko ek sath yaad nahi ho gaye honge Isiliye ye video Youtube par free hai, ispar koi tax nahi hai Jitni baar chaaho, utni baar dekho Dobaara dekho Aur dheere dheere ye points apke mann mein bas jayenge Phir jab aap logon ko miloge, toh unki body language ko padh paaoge unko zyada easily, zyada achhe se samajh paaoge jisse apke rishte better honge Logon ko jab hum samjhne ki kala jaan lein, logon ki mann ki baat ko padhna jaan lein toh log humaare aur qareeb aa jaate hain humaari dostiyaan, humare rishte sudhar jaate hain Aur shuru shuru mei apko maza ayega logon ki body language padhne mein Haan… ye banda ye soch raha hai ye bandi wo soch rahi hai Iska matlab ye hai Lekin, Zyada ghoor ke bhi mat dekhna shuru kar dena Log aap par shak karna shuru kar sakte hain Kyunki ladka ladki ko ghoore tab toh problem hai hi, lekin ladka ladke ko ghoore, toh bhi problem hai So, doston ,ye thi ek video ki kaise ap logon ki body language ko padh sakte hain , samajh sakte hain Hum aise hi apne mission par lage rahenge Training programmes ko classroom mein se nikal kar interesting tareeke se Youtube ke channel par apko dete rahenge So that aap apni personality ko improve kar paao Khud ko apni life mein, apne career mein grow kar pao Video achhi lagi ho toh like zaroor daba dena aur iss video ke baare mein aone vichaar comments mein zaroor likhna Aur iss video ko har kissi tak pahunchaao Training ko phailaao Country ko aage badhaao Iss video ko share zaroor karna Facebook and whatsapp par share kar dena Aisi kayi saari videos aapko humaare youtube channel par mil jayeingi aur agar abhi tak, subscribe nahi kiya, toh neeche sunscribe par daba dein aur notifications wali bell ko on kar lein so that saari updates aap tak pohachti rahein hum apko aage badhate rahe aur aap aage badhte rahe Iske elaava, aap Facebook, Instagram ya phir meri website ke through aap humaare sath jud sakte hain Phir milenge agle video mein ek naye topic ke saath Till then, stay blessed Stay inspired And I love you all!

100 Replies to “10 Things Body Language Says About You in Hindi | दुसरो की मन की बात ऐसे जाने”

Leave a Reply

Your email address will not be published. Required fields are marked *